Үйлчилгээний нөхцөлҮйлчилгээний нөхцөл

Энэхүү Үйлчилгээний нөхцөл нь КОДИНГ ХХК (цаашид «КОДИНГ», «бид»)-ийн вэб сайт, программ хангамж, үүлэн болон техникийн үйлчилгээг (цаашид «Үйлчилгээ») ашиглах харилцааг зохицуулна. Үйлчилгээг ашигласнаар та эдгээр нөхцөлийг хүлээн зөвшөөрсөнд тооцогдоно.

1. Нэр томьёо

• «Харилцагч» — Үйлчилгээг гэрээ, захиалгын үндсэн дээр ашиглаж буй хувь хүн, хуулийн этгээд;
• «Гэрээ» — тодорхой ажил, үйлчилгээний хамрах хүрээ, хугацаа, үнийг тусгасан бичгийн гэрээ;
• «Систем» — бидний хөгжүүлж, нийлүүлж, эсвэл ажиллуулж буй программ хангамж, сервер, сүлжээний шийдэл.

2. Үйлчилгээний хамрах хүрээ

Програм хангамж хөгжүүлэлт, вэб систем, серверийн дэд бүтэц, IT дэмжлэг, мэдээллийн аюулгүй байдал, зөвлөх үйлчилгээний тодорхой ажлын хүрээ, хүлээлгэн өгөх үр дүн, хугацааг тухайн Гэрээгээр тохирно. Энэхүү нөхцөл ба Гэрээ зөрвөл Гэрээг баримтална.

3. Захиалга ба гэрээ байгуулах

Үнийн санал нь илгээснээс хойш 30 хоногийн хугацаанд хүчинтэй. Харилцагч саналыг бичгээр баталж, урьдчилгаа төлбөрөө төлснөөр ажил эхэлнэ. Ажлын явцад хамрах хүрээ өөрчлөгдвөл талууд нэмэлт гэрээ байгуулна.

4. Төлбөр

• төслийн ажлыг гэрээнд заасан үе шат бүрээр нэхэмжилнэ;
• сар бүрийн дэмжлэг, үүлэн үйлчилгээний төлбөрийг тухайн сарын 10-ны дотор төлнө;
• төлбөр 30 хоногоос дээш хугацаагаар хэтэрвэл бид урьдчилан мэдэгдсэний үндсэн дээр үйлчилгээг түр зогсоож болно;
• бүх үнэ НӨАТ-ыг багтаасан эсэхийг үнийн санал, нэхэмжлэхэд тодорхой заана.

5. Харилцагчийн үүрэг

• ажилд шаардлагатай мэдээлэл, хандалтыг цаг тухайд нь, үнэн зөв өгөх;
• өөрийн хэрэглэгчийн нэр, нууц үгийг нууцлах, бусдад дамжуулахгүй байх;
• Системийг хууль бус зорилгоор, бусдын эрхийг зөрчих байдлаар ашиглахгүй байх;
• хүлээн авах үе шатанд үр дүнг гэрээнд заасан хугацаанд шалгаж, санал хүсэлтээ бичгээр өгөх.

6. Бидний үүрэг

• ажлыг мэргэжлийн өндөр түвшинд, тохирсон хугацаанд гүйцэтгэх;
• Харилцагчийн мэдээллийг Нууцлалын бодлогын дагуу хамгаалах;
• дэмжлэгийн гэрээнд заасан хариу өгөх хугацааг баримтлах;
• ажлын явцын тайланг тогтмол хүргүүлэх.

7. Оюуны өмч

Харилцагчид зориулан хөгжүүлж, бүрэн төлбөрийг нь төлсөн программын эх код, баримт бичгийн эрх Гэрээнд өөрөөр заагаагүй бол Харилцагчид шилжинэ. КОДИНГ-ийн өмнө нь бүтээсэн сан, хэрэгсэл, бэлэн бүтээгдэхүүний эрх КОДИНГ-д хэвээр үлдэх бөгөөд Харилцагч тэдгээрийг Гэрээний хүрээнд хязгааргүй хугацаагаар ашиглах эрхтэй.

8. Баталгаат хугацаа

Хүлээлгэн өгсөн программ хангамжид илэрсэн алдааг хүлээн авснаас хойш 6 сарын турш үнэ төлбөргүй засна. Харилцагч эсвэл гуравдагч этгээд Системийг бидэнтэй тохиролцолгүйгээр өөрчилсний улмаас үүссэн алдаа баталгаанд хамаарахгүй.

9. Хариуцлагын хязгаар

Бид гэрээний үүргээ зөрчсөнөөс Харилцагчид учирсан шууд хохирлыг тухайн Гэрээний сүүлийн 12 сарын төлбөрийн хэмжээнд хариуцна. Гэнэтийн буюу давагдашгүй хүчин зүйл (байгалийн гамшиг, цахилгаан, интернэтийн улсын хэмжээний тасалдал гэх мэт)-ээс үүдсэн саатлыг талууд хариуцахгүй.

10. Гэрээ цуцлах

Талууд 30 хоногийн өмнө бичгээр мэдэгдэж Гэрээг цуцалж болно. Цуцлах хүртэл гүйцэтгэсэн ажлын төлбөрийг Харилцагч төлж, бид тухайн үе хүртэлх үр дүн, өгөгдлийг Харилцагчид хүлээлгэн өгнө.

11. Маргаан шийдвэрлэх

Энэхүү нөхцөлтэй холбоотой маргааныг талууд эхлээд хэлэлцээрээр шийдвэрлэнэ. Хэлэлцээрээр шийдэгдээгүй маргааныг Монгол Улсын хууль тогтоомжийн дагуу Улаанбаатар хот дахь шүүхээр шийдвэрлүүлнэ.

12. Холбоо барих

Үйлчилгээний нөхцөлтэй холбоотой асуултаа дараах хаягаар илгээнэ үү: КОДИНГ ХХК, Улаанбаатар хот, Сүхбаатар дүүрэг, 3-р хороо, 5-р хороолол. И-мэйл: [email protected], утас: 7000-2013.