Монгол ардын үлгэрийн сэдвээр зохиомжилсон “Аршийн мод ” зохиолоор бүтээсэн энэхүү кинонд Цэвээн хэмээх хөдөөгийн нэгэн цайлган сэтгэлт, итгэмтгий малчин эр өөрийн дурлалт бүсгүй Дулмаатай гэрлэн, аз жаргалтай амьдрахын тулд шидэт модны эрэлд харь газар аялан явж, зовлонд учран, эцэст нь төрөлх Монгол нутагаа эргэн ирж, жинхэнэ аз жаргалыг амсан мэдэрч буйг харуулжээ.
1937 онд энэхүү киног хийсний дараа МАХН-ын Төв Хороо, Засгийн газраас “Ард” кино театрыг байгуулж “Монгол хүү” киног үзжээ. Гэтэл тухайн үед хэлмэгдүүлэлт эхэлж байсан учраас Төв хорооноос “Монгол хүү”-г гаргахыг хориглосон байна. Учир нь энэхүү кинонд тухайн үеийн эсэргүү лам нарыг үзүүлсэн байна хэмээн дахин Монгол нутагт үзүүлэхгүй хэмээн хаасан байна.
1938 онд Оросууд энэ киног АНУ-д үзүүлэхэд Америкийн кино академиас 10 шилдэг киноны нэгээр тодорсон нь Монголыг дэлхийд таниулсан “Монгол хүү” кино болсон юм.
Киноны нээлт 1936 оны 07-р сарын 17-ны өдөр Ардын хувьсгалын 15-н жилийн ойн өдрүүдэд Ард кино театрт болсон юм. Энэ кино нь ЗХУ-ын киноны уран бүтээлчдийн бүтээл бөгөөд Монголын жүжигчдийг уран сайхны кинонд анх тоглуулж, Монгол орны амьдралыг дэлгэцнээ харуулснаараа онцлоготой.